DEFUNCTI Haeretici

DEFUNCTI Haeretici

in communione Rom. poenam nondum effugêrunt, quin contraillos, in tribunali Inquisitionis, triplicem ob hunc finem proceditur; ut memoria eorum damnetur; ut bona illorum per fiscum ab heredibus defunctorum seu a quibuslibet aliis possessoribus auferantur; ac tandem, ut defunctus exbumetur, extra locum sacrum proiciatur ac comburatur, uti statuit Instructio prima Hispalensis A. C. 1464. c. 20. Et quidem olim pater praesumebatur in haeresi defunctus, quando decumbens et aeger ab Albigensi quodam petiit consolamentum per impositionem manuum: quare filii, ne paternâ hereditate excluderentur, saepius excepêrunt, patres suos sanae mentis non fuisse, cum consolationem illam peterent. Exempla exhumatorum complura exstant: hodie statua etiam defuncti, nomine eius inscripta, comburitur, vide quoque ubi de Linteo Infami. Celebre hoc saeculo sententiae in defunctum latae exemplum habemus in M. Anton. de Dominis, uti prolixe exponit Phil. a Limborch Historiâ Inquisit. l. 4. c. 38. ubi plura hanc in rem.